Lyrics: Tu jahan jahan
Film: Mera Saya
Music: Madan Mohan
Lyricist: Raja Mehdi Ali Khan
 
Tu jahan jahan chalega, mera saya, sath hoga
Mera saya, mera saya

Kabhi mujhako yad karake, jo bahenge tere ansu
To vahin pe rok lenge, unhen ake mere ansu
Tu jidhar ka rukh karega, mera saya, sath hoga

Tu agar udas hoga, to udas hungi main bhi
Nazar aun ya na aun, tere pas hungi main bhi
Tu kahin bhi ja rahega, mera saya, sath hoga

Main agar bichad bhi jaun, kabhi mera gam na karana
Mera pyar yad karake, kabhi ankh nam na karana
Tu jo mudake dekh lega, mera saya, sath hoga

Mera gam raha hai shamil, tere dukh men, tere gam men
Mere pyar ne diya hai, tera sath har janam men
Tu koi janam bhi lega, mera saya sath hoga