Lyrics: Suno ji suno
Film: Ek Dil Sau Afsaane
Music: Shankar-Jaikishan
Lyricist: Shailendra
 
Suno ji suno, hamari bhi suno
Aji maharban hamari bhi suno
Na tapa, na thumari, gazal hai na kajari
Yah ragini hai pyar ki
Suno ji suno, aji maharban
Hamari bhi suno

Tarana hamara zamane se nyara
Har ek sur men dil hai dhadakata hua
Har ek bol pyara ki jaise sitara
Akela gagan men chamakata hua
Suno ji suno

Isharon men bolun, zuban tak na kholun
Nigahon se kah dun samajh lo agar
Na yah bekudi hai, na divanagi hai
Mujhe to lagi hai tumhari nazar
Suno ji suno

Suno mere ji ki, meri arzu ki
Tamana yahi thi ke tum ho karib
Yah chilman hata do, vah jhalki dikha do
Ki ab to jaga do hamare nasib
Suno ji suno