Lyrics: O main roya
Film: NonFilm
Music: Jagjit Singh
Lyricist: Nida Fazli
 
O main roya parades men, bhiga man ka pyar
Dukh ne dukh se bat ki, bin chiththi bin tar
Chota karake dekhiye, jivan ka vistar
Ankhon bhar akash hai, bahon bhar sansar

E leke tan ke nap ko, ghume basti ganv
Har chadar ke gher se bahar nikale panv
Sabaki puja ek si, alagvalag har rit
Masjid jae maulvi, koyal gae git

Puja ghar men murti, mira ke sang shyam
Jisaki jitani chakari, utane usake dam

Saton din bhagavan ke, kya mangal kya pir
Jis din soe der tak, bhuka rahe fakir
Achchi sangat baithakar, sangi badale rup
Jaise milakar am se, mithi ho gai dhup

Sapana jharna nind ka, jagi ankhen pyas
Pana khona khojana, sanson ka itihas
Chahe gita vachie, ya padhie quran
Mera tera pyar hi, har pustak ka gyan