Lyrics: Ane se usake
Film: Jeene Ki Raah
Music: Laxmikant-Pyarelal
Lyricist: Anand Bakshi
 
Ane se usake aye bahar, jane se usake jaye bahar
Badi mastani hai meri mahabuba
Meri zindagani hai meri mahabuba

Gunagunae aise jaise bajate hon ghungharu kahin pe
Ake parvaton se, jaise girata ho jharana zamin pe
Jharano ki mauj hai vo, maujon ki ravani hai meri mahabuba

Is ghata ko main to usaki ankhon ka kajal kahunga
Is hava ko main to usaka laharata anchal kahunga
Huron ki malika hai pariyon ki rani hai meri mahabuba

Bit jate hain din, kat jati hai ankhon men raten
Ham na jane kya kya karate rahate hain apas men baten
Main thoda divana, thodi si divani hai meri mahabuba

Ban sanvar ke nikale ae savan ka jab jab mahina
Har koi ye samajhe hogi vo koi chanchal hasina
Pucho to kaun hai vo, rut ye suhani hai, meri mahabuba