Lyrics: Mera kuch saman
Film: Ijaazat
Music: R D Burman
Lyricist: Gulzar
 
Mera kuch saman tumhare pas pada hai 2
O o o ! savan ke kuch bhige bhige din rakhe hain
Aur mere ek khat men lipati rat padi hai
Vo rat bujha do, mera vo saman lauta do 2
Mera kuch saman tumhare pas pada hai 2

Patajhad hai kuch hai na ?
O ! patajhad men kuch paton ke girane ki ahat
Kanon men ek bar pahan ke laut ai thi
Patajhad ki vo shakh abhi tak kanp rahi hai
Vo shakh gira do, mera vo saman lauta do 2

Ek akeli chatari men jab adhe adhe bhig rahe the 2
Adhe sukhe adhe gile, sukha to main le ayi thi
Gila man shayad bistar ke pas pada ho !
Vo bhijava do, mera vo saman lauta do

Ek sau sola chand ki raten ek tumhare kandhe ka til 2
Gili menhadi ki khushabu, jhuthmuth ke shikave kuch
Jhuthmuth ke vade sab yad kara dun
Sab bhijava do, mera vo saman lauta do 2

Ek ijazat de do bas, jab isako dafanaungi
Main bhi vahin so jaungi
Main bhi vahin so jaungi