Lyrics: Taj tere liye
Film: Ghazal
Music: Madan Mohan
Lyricist: Sahir Ludhianvi
 
Taj tere liye ik mazahareulfat hi sahi
Tum ko is vadierangin se aqidat hi sahi

Mere mahabub kahin aur mila kar mujh se

Bazmeshahi men garibon ka guzar kya mani
Sabt jis rah pe hon satavateshahi ke nishan
Us pe ulfat bhari ruhon ka safar kya mani

Meri mahabub pasepadraetashhirevafa
Tu ne satavat ke nishanon ko to dekha hota
Mudra shahon ke maqabir se bahalane vali
Apane tarik makanon ko to dekha hota

Anaginat logon ne duniya men muhabat ki hai
Kaun kahata hai ki sadiq na the jazbe un ke
Lekin un ke liye tashhir ka saman nahin
Kyon ke vo log bhi apani hi tarah mufalis the

Ye imaratomaqabir ye fasilen, ye hisar
Mutalqulhukm shahanshahon ki azamat ke sutun
Damanedahar pe us rang ki gulakari hai
Jis men shamil hai tere aur mere ajadad ka khun

Meri mahabub! unhen bhi to muhabat hogi
Jinaki sanai ne bakhshi hai ise shaklejamil
Un ke pyaron ke maqabir rahe benamonamud
Aj tak un pe jalai na kisi ne qandil

Ye chamanazar ye jamuna ka kinara ye mahal
Ye munaqash darodivar, ye maharab ye taq
Ik shahanashah ne daulat ka sahara le kar
Ham garibon ki muhabat ka udaya hai mazak

Mere mahabub kahin aur mila kar mujhase