Lyrics: Tujhe suraj kahun
Film: Ek Phool Do Mali
Music: Ravi
Lyricist: Prem Dhawan
 
Tujhe suraj kahun ya chanda
Tujhe dip kahun ya tara
Mera nam karega raushan
Jag men mera raj dulara

Mera ghar tha khali khali
Chai thi ajab udasi
Jivan tha suna suna
Har as thi pyasi pyasi
Tere ate hi khushiyon se
Bhar gaya hai jivan sara
Mera nam karega raushan

Main kab se taras raha tha
Mere angan men koi khele
Nanhi si hansi ke badale
Meri sari duniya le le
Tere sang jhul raha hai
Meri bahon men jag sara
Mera nam karega raushan

Aj ungali tham ke teri
Tujhe main chalana sikhalaun
Kal hath pakadana mera
Jab main budha ho jaun
Tu mila to main ne paya
Jine ka naya sahara
Mera nam karega raushan

Mere bad bhi is duniya men
Zinda mera nam rahega
Jo bhi tujh ko dekhega
Tujhe mera lal kahega
Tere rup men mil jayega
Mujh ko jivan dobara
Mera nam karega raushan