Lyrics: Ye kaun chitrakar
Film: Boond Jo Ban Gayi Moti
Music: Satish Bhatia
Lyricist: Bharat Vyas
 
Ye kaun chitrakar hai ye kaun chitrakar

Hari bhari vasundhara par nila nila ye gagan
Ke jisape badalon ki palaki uda raha pavan
Dishaen dekho rang bhari
Dishaen dekho rang bhari chamak rahin umang bhari
Ye kisane phul phul se kiya shringar hai
Ye kaun chitrakar hai ye kaun chitrakar

Tapasviyon si hain atal ye pavarton ki chotiyan
Ye barf ki ghumaradar gheradar ghatiyan
Dhvaja se ye khade hue
Dhvaja se ye khade hue hain vriksha devadar ke
Galiche ye gulab ke bagiche ye bahar ke
Ye kis kavi ki kalpana
Ye kis kavi ki kalpana ka chamatkar hai
Ye kaun chitrakar hai ye kaun chitrakar

Kudarat ki is pavitrata ko tum nihar lo
Inake gunon ko apane man men tum utar lo
Chamaka do aj lalima
Chamaka do aj lalima apane lalat ki
Kan kan se jhankati tumhen chabi virat ki
Apani to ankh ek hai, isaki hazar hai
Ye kaun chitrakar hai ye kaun chitrakar